Fjölmargir fjölmiðlar ytra hafa birt fréttir af konu í Florida sem átti að hafa fengið sér þriðja brjóstið til þess að vera minna aðlaðandi fyrir karlmönnum. Það hefur nú komið í ljós að þetta var allt gabb.
Jasmine Tridevil er 21 árs gömul og gaf það út að hún hefði tekið til þessa ráðs að fá sér þriðja brjóstið til þess að fá frið frá karlmönnum. Það kom hinsvegar í ljós þegar hún var að ferðast í gegnum Tampa flugvöllinn að þetta var allt gabb. Í skjali frá lögreglunni, sem TMZ hefur undir höndum, kemur fram að í nýlegu máli þar sem farangri var stolið var einn poki frá Jasmine. Í pokanum var þriggja brjósta gervið.
Þetta kemur nú ekki á óvart þar sem það hlýtur að vera leitun að þeim lýtalækni sem myndi samþykkja að bæta þriðja brjóstinu á konu.
Vefsíðan JasmineTridevil.com er skráð á konu sem heitir Alisha Hessler og Jasmine er sláandi lík nuddara frá Tampa.
