Ég á mann sem er með 4 stigs krabbamein og já við óttumst þessa Kórónuveiru.
Það sem mér finnst verst af öllu er að það virðist sem svo að fólk átti sig ekki alveg á því að veiran er bráðsmitandi og hættuleg þeim sem eru með undirliggjandi sjúkdóma, jú kanski flestir átti sig en það eru þessir nokkrir sem gera það ekki og eru fyrir vikið hættulegir þeim sem eru með undirliggjandi sjúkdóma.
Nú á tímum þar sem allt okkar líf er meira og minna sýnilegt á samfélagsmiðlum þá er erfitt að leyna því þegar fólk í sóttkví brýtur sóttkví…. Jú við erum tögguð hægri vinnstri og póstum alveg sjálf án þess að hugsa.
Því miður hef ég séð svona vitleysur og satt best að segja varð ég fyrir sjokki því ég bara vill ekki trúa þessu upp á fólk og hvað þá fólk sem ég taldi pottþétt á öllum sviðum!
Ég hef gert margar vitleysurnr um dagana en þetta er umfram það að gera vitleysu, þetta er refsivert athæfi og hvað með það þó maður þurfi að vera í sóttkví í 14 daga. Það hlýtur að vera ansi leiðinlegt heima ef 14 dagar eru eins og fangavist!
Elsku landsmenn fyrir mína hönd og allra þeirra sem eiga ástvini með undirliggjandi sjúkdóma og þá sem eru með sjúkdómana biðla ég til ykkar að fara að sóttvarnarlögum og á þann hátt hjálpast að við að stöðva þennan faraldur hér á þessari litlu eyju.
Endilega deilið til sem flestra.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
