Það getur verið mikið feimnismál fyrir stelpur að kúka. Sumir karlmenn vilja líka alls ekki til þess hugsa að konurnar þeirri kúki yfir höfuð og halda fast í þá sjálfsblekkingu að konurnar þeirra „kúka bara EKKI“. En strákar, við skulum alveg sætta okkur við þetta, KONUR KÚKA, Jenna Jameson kúkar, Pamela Anderson kúkar,Miley Cyrus kúkar, Angelina Jolie kúkar, mömmur, ömmur og frænkur KÚKA. Það eru til undantekningar en þær hafa læknisfræðilegar sakir og ég efast um að nokkur vilji lenda í því.

Sumum stelpum finnst erfitt að gera þessa hluti í vinnunni og jafnvel heima hjá kærastanum og tók heimasíðan Blush saman nokkur góð ráð til þess að kúka á vinnustaðnum og komast upp með það.

1. Skildu símann þinn eftir á vinnustöðinni þinni. Ef þú ætlar að nota þessi ráð þá hefurðu engan tíma til að leika þér í Bubbles í símanum á klósettinu.

2. Ekki ganga of hratt á klósettið og alls ekki labba of hægt heldur. Láttu eins og venjulega. Þú ert ekki að fara að fremja neinn glæp. Vertu róleg, brostu aðeins og einbeittu þér að því að vera eðlileg.

3. Ef þú mætir samstarfsmanni spjallaðu við hann og talaðu um veðrið, hlæðu og gerðu að gamni þínu. Vel gert!

4. Ef samstarfsfélaginn er líka að fara á klósettið og það eru básar á salerninu, leyfðu þá hinni konunni að velja sér bás á undan og ALLS ekki fara í básinn við hliðina á henni. Veldu helst básinn sem er lengst frá innganginum.

5. Pissaðu. Það er það eina sem þú ert að fara að gera er það ekki? Ef þú þarft ekki að pissa farðu þá beint í skref 9

6. Náðu þér í klósettpappír svo allir haldi að þú sért búin.

7. Láttu skrjáfa í pappírnum. Þá halda allir að þú sért að skeina þig. Það sem þú ert í raun að gera er að setja klósettpappírinn í botninn á klósettinu þannig að það komi ekki „blúbbs“hljóð.

8. Gerðu númer 2. Andaðu í gegnum munninn og notaðu umhverfishljóðin, ef einhver sturtar, notaðu tækifærið!!

9. Skeindu þig núna í alvöru og sturtaðu niður eins fljótt og þú getur.

10. Heilsaðu þeim sem þú hittir við vaskinn, jafnvel þó þú þekkir þá ekki, annað er bara grunsamlegt og fólk getur haldið að þú hafir verið að gera eitthvað sem þú varst EKKI að gera.

11. Yfirgefðu baðherbergið eins og ekkert sé.

 

Gangi þér vel

SHARE