Kolfinna Nikulásdóttir, betur þekkt sem Kylfan, er með útkomuna 6 í indverskri talnaspeki. Sexan er mjög pottþétt tala, en Kolfinna er þó ekki hin týpíska sexa.

Þó að okkur finnist Kylfan okkar vera svolítið sérkennilegur gripur á þessu annars „straight“ Íslandi er hún hin hógværa tala 6. Kannski er ekki beint hægt að segja að talan 6 sé hógvær, en hún er afskaplega pottþétt, gífurlega þrjósk, og rosalega traust sínum nánustu.

Kolfinna laðar að sér vini alls staðar að úr þjóðfélaginu og þegar hún verður orðin stór verður einstaklega gott tengslanet hennar helsta einkenni.

Ég get ekki betur séð en að Kolfinna sé að láta æskudrauma sína rætast, því sexunum dettur alltaf snemma í hug hvað þær ætla sér að gera í lífinu, og fylgja því eftir.

Kolfinna ætti að vera að drepast úr spenningi yfir skemmtilegum hlutum sem eru að hrannast upp í kringum hana. Í haust byrjar tveggja ára tímabil í lífi hennar sem á eftir að gefa henni þann status sem hún er að bíða eftir. Hún á eftir að vera þekkt á stöðum sem eru kannski ekki týpískir fyrir okkur Íslendinga, til dæmis í Þýskalandi og í Mið- og Austur Evrópu sem er mjög sérkennilegt. Henni Kolfinnu ætti að þykja það skemmtilegt, því það er algerlega öðruvísi.

Hún á eftir að búa erlendis um tíma. Upphafið að því ævintýri verður líklega seinnipart 2017 eða í byrjun 2018. Það á eftir að gerast svo mikið á hennar ævi að ég er fegin að ég þurfi ekki að skrifa ævisöguna hennar.

 

Tengdar greinar: 

Salka Sól er kamelljón sem getur aðlagað sig að öllu

Saga Garðars mun vinna bikarinn!

Sigga Kling er mætt! – „Mistökin eru skemmtilegust af öllu“ – Myndband

SHARE