Ég er aðeins að leika mér við að búa til lágkolvetnauppskriftir. Skellti í þessa áðan og hún var svona ljómandi góð og saðsöm.
250 gr rifinn ostur
3 egg
100 gr möndlumjöl
2 msk rjómaostur
1 tsk vínsteinslyftiduft
hvítlauksduft
pizzakrydd
Þessu er öllu hrært saman, ég nota bara gaffal og skál (nennti ekki að sækja hrærivél)
Svo helli ég þessu á bökunarpappír flet út eins og pizzu. Ég setti á gráðaost og pepperoni en hver og einn getur sett það sem hann vill.
180° í 15 mín.
Verði ykkur að góðu
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
