Nicki Minaj kom aðdáendum sínum hressileg á óvart nú á dögunum með útgáfu 16 mínútna langrar stuttmyndar i tengslum við útgáfu breiðskífu hennar, The Pinkprint, sem var gefin út í síðustu viku.
Stuttmyndin, sem ber heitið The Pinkprint Movie, var kynnt með látlausu tísti Nicki á Twitter, en myndin þykir sýna Nicki í mun mýkra og einlægara ljósi en almenningur á að venjast frá Anaconda, þar sem Nicki berar olíuborinn bossann og harkalegum dómínutöktum fröken Minaj í dónalaginu Only, þar sem Nicki fer á kostum í leðurklæðum.
Stuttmyndin hefst á upphafslagi nýju breiðskífunnar; All Things Go og heldur áfram með laginu The Crying Game, en einnig má hlýða á lögin I Lied og Grand Piano í tilfinningaríkri og fallegri stuttmyndinni. Það er karlfyrirsætan Wily MOnfret og leikarinn Boris Kodioe sem leika á móti sjálfri Nicki í myndinni, en leikstjórn var í höndum þeirra Taylor Cohen og Fransesco Carrozini.
Og þá spyrjum við … hvað kemur næst frá Nicki?
Tengdar greinar:
Nicki Minaj kolsvört dómína í nýju BDSM myndbandi við ONLY
ONLY: Ný smáskífa Nicki Minaj óður til nasisma Hitlers?
Berar allt: Hefur Nicki Minaj loks gengið of langt?
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
