Þegar þú vilt gera vel við þig eða bíður fólki í mat er þessi réttur tær snilld.
Uppskrift:
2 svínalundir
1 box sveppir
2 tómatar
Svínalundir skornar niður í bita og steiktar á pönnu ( ekki gegnum steikja) settar svo í eldfast mót.
Sveppir steiktir og tómatar skornir niður í sneiðar, sveppum og tómötum raðað yfir lundirnar.
Sósa:
1 piparostur
1 peli rjómi
1 nautakraftsteningur
rifin ostur
Brætt saman við vægan hita hellt svo yfir lundirnar í eldfasata mótinu.
Bakað við 200 gráður í 20 mínútur.
Geggjað að hafa bakaðar kartöflur og ferskt salat með þessu.
Þessi snilldar uppskrift er úr bókinni Rögguréttir
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
