Þessi girnilega uppskrift er fengin af blogginu hennar Tinnu Bjargar. Grauturinn er stútfullur af hollustu og gefur þér góða orku út í daginn. Það er um að gera að prófa þennan sem fyrst.
Sjá einnig: Vanillubúðingur með chiafræjum
Banana- og súkkulaðichiagrautur
1/2 banani
1 daðla
8 möndlur
1 tsk hnetusmjör
1/2 tsk kakó
1/4 tsk kanill
140 ml vatn
3 msk chiafræ
- Setjið banana, döðlu, möndlur, hnetusmjör, kakó, kanil og vatn í blandara og maukið vel.
- Hellið í ílát og hrærið chia fræjum saman við.
- Lokið ílátinu og kælið í ísskáp í 20-30 mínútur eða þar til chiafræin hafa bólgnað hæfilega mikið.
- Ég mæli með því að grauturinn sé gerður samdægurs af því mér finnst bragðið af banananum breytast örlítið.
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
