Hvað er betra en að byrja páskamorgunn á tveimur örsmáum og dúnmjúkum, fjaðurmögnuðum páskakaninum? Í bleikum inniskóm? Að springja úr yfirkrúttun?
Þær eiga þúsundir vina, þessar tvær, en fleiri ævintýri loðboltanna má skoða á YouTube þar sem samansafn sykursætra kanínuhnoðra ber fyrir augu áhorfenda. Upprunalega krútthnoðrann má sjá á milli, en hún heitir Booboo og er margverðlaunaður krúttbolti.
Sjá einnig: Ofursvínið Moritz er fluggáfaður lítill grís
Aðstandendur krúttboltanna hafa víða leitað fanga til að festa loðhnoðrana á filmu og meðal annars ferðast til japönsku kanínueyjunnar – Okunoshima – þar sem þúsundir lítilla ástarhnoðra hafa hreiðrað um sig og hreinlega hertekið heilt landsvæði.
Hér eru þær – krúttlegustu páskakanínurnar á Internetinu – gleðilega páska!
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
