Þessi er sjúklega einföld og fljótleg en líka brjálæðislega góð. Í minni fjölskyldu hefur þessi pæja verið endalaust vinsæl yfir sumartíman.
Uppskrift:
200 gr smjör
2 dl sykur
1 tsk lyftiduft
2 dl hveiti
1 tsk vanilusykur
2 egg
Aðferð:
Rabbabari og epli skorið í smátt og raðað í botninn á smurðu eldföstu móti.
Hráefnið sett saman í pott og hrært í við vægan hita er svo hellt yfir rabbabara og epli…
Persónulega finnst mér gott að strá smá súkkulaðispænum eða kanil yfir og svo inn í ofn
Bakað við 170 gráður í 25 mín.
Geggjað með ís.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
