Þrátt fyrir að við séum mörg heilluð af björtum sumarkvöldum eftir dimman vetur, hafa allar árstíðir sinn sjarma. Núna þegar nær dregur hausti og dökkar nætur taka völdin, er um að gera að grípa tækifærið og nota tímann á rómantískan hátt og vona að haustlægðirnar láti bíða eftir sér. Garðarnir okkar eru ennþá í fullum skrúða og bjóða upp á sjarmerandi stemmingu í myrkrinu. Margar leiðir eru til að lýsa upp garða og hýbýlin okkar og hérna koma nokkrar sem laða fram rómantíkina.
Árni býr í Reykjavík en ólst upp í Garðinum. Hann lauk stúdentsprófi frá Fjölbrautaskóla Suðurnesja og nam stjórnmálafræði við Háskóla Íslands. Að því gefnu hefur hann mikinn áhuga á stjórnmálum, ásamt því að vera mikill áhugamaður um hönnun, arkitektúr og ljósmyndun. Árni hefur gaman að tónlist og leiklist, kvikmyndum og matargerð annarra. Hann viðurkennir fúslega að vera ömurlegur í eldhúsinu og leggur ekki á nokkurn mann að koma í mat til sín. Nýja dellan er að vaða um íslenska náttúru með myndavélina og reyna að ná góðum myndum með misjöfnum árangri. Árni er mikil félagsvera og nýtur sín best í góðra vina hópi og með fjölskyldunni. Hann er dýravinur, en gengur illa að eiga gæludýr. Þau annað hvort drepast eða flýja af heiman. Árni gleymir sér á netinu við að skoða fallega hönnun, heimili og fasteignasíðurnar eru í miklu uppáhaldi. Árni deilir með okkur því sem hann fellur fyrir hverju sinni og reynir að koma víða við í stílum og hönnun til að ná til sem flestra. Árni heldur úti Facebooksíðu þar sem hann deilir hugðarefnum sínum, enda kallar hann síðuna Hugarheim Árna.
