Söngkonan Selena Gomez og söngvarinn Justin Bieber hafa verið í sundur og saman síðustu árin en nú lítur allt út fyrir að Selena sé búin að fá nóg. Selena hefur slitið sambandi sínu við Justin en þrátt fyrir að hún sé búin að því er það bara talið tímaspursmál hvenær þau taka saman aftur.

Það sem fyllti mælirinn hjá Selenu í þetta skiptið er talið vera þegar hún komst á snoðir um það að Justin hafi verið að hanga með óvinkonu hennar, Kendall Jenner, án hennar vitundar. Söngkonan varð brjáluð þegar hún komst að því að Justin og Kendall hafi farið út að borða saman en hann reyndi síðan að ljúga til um það. Selena varð svo reið að hún flýtti heimferð sinni um 2 daga aftur til Los Angeles en parið hafði eytt undanförnum vikum í París.

2. október sást síðan til Justin hangandi utan í ónefndri konu á skemmtistað í París á meðan Selena greip til aðgerða heima í Bandaríkjunum. Hún byrjaði á því að hætta að elta Justin á Instagram og tjáði sig síðan um sambandsslitin á Twitter síðu sinni.

Selena skrifaði færslu inná Twitter þar sem hún sagði:

„We have to learn the hard way sometimes.“

Hún var þó ekki lengi að taka færsluna út sama dag.

Erlendir fréttamiðlar hafa samt ekki gefið upp vonina um að Justin og Selena taki aftur saman.

1412786034903_wps_10_image001_png

SHARE