Bókin sem allir (Kim) Kardashian aðdáendur hafa beðið með óþreyju er á barmi útgáfu og kemur formlega út þann 5 maí, en 500 eintök – gefin út í forsölu fyrr í vikunni seldust upp á sextíu sekúndum sléttum. Heimsmiðlarnir loga og keppast hver við annan að birta gagnrýni um meistaraverkið. Kim nokkur Kardashian – með margumrædda sjálfubók – slær enn og aftur öll met með opinskáum myndatökum. Af sjálfri sér. Hvað annað? Kannski konan hafi fundið upp sjálfustöngina í ofanálag? Sem er smellt framan á farsímann til að taka sjálfsmynd úr fjarlægð …
Sjá einnig: Kim Kardashian viðrar brjóstin ófeimin á Twitter
Þessa sjálfsmynd er að finna í bókinni SELFISH sem kemur formlega út þann 5 maí
Kim, sem trónir í öðru sæti yfir þá notendur sem hafa flesta fylgjendur á Instagram (í fyrsta sæti situr að sjálfsögðu Beyoncé með 30.2 milljónir fylgjenda) – státar af ríflega þrjátíu milljónum fylgjenda á Instagram og því varla nema von að stúlkan hafi ákveðið að ríða á vaðið, hamra járnið meðan það er heitt og smella í eins og litla bók, sem hún tileinkar eiginmanni sínum, tónlistartröllinu Kanye West.
Sjá einnig: Kim AFTUR KVIKNAKIN – nær óþekkjanleg í LOVE Magazine
Sjálfsmyndabókin er djörf og sýnir Kim fáklædda fyrir framan linsuna
CR Fashion Book birti í gær, vel valin skot úr bókinni – áður óséðar sjálfumyndir af Kim ásamt öðrum ljósmyndum sem þegar hafa komið fyrir augu almennings. Ljósmyndabókin kemur út í harðspjaldaútgáfu, en allar ljósmyndirnar voru teknar af Kim sjálfri á iPhone símann sem hún skilur aldrei við sig.
Sjá einnig: Kanye West tryllist við einkaþjálfara Kim Kardashian – Vill að hann hjálpi Kim að léttast
Kim svíkur ekki aðdáendur sína í þetta skiptið fremur en fyrr og hér má sjá allt frá krúttlegum gæludýraskotum til dónalegra sjálfsmynda sem í upphafi voru sennilega einungis ætlaðar eiginmanninum:
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
