Laugardaginn 15. desember kl. 16.00 heldur Drengjakór Reykjavíkur hina árlegu jólatónleika sína í Hallgrímskirkju. Kórinn er eini starfandi drengjakór landsins og í honum starfa að jafnaði um 30 drengir á aldrinum 8-15 ára. Kórinn hefur æfingaaðstöðu í Hallgrímskirkju og syngur þar við messur einu sinni í mánuði. Stjórnandi kórsins, Friðrik S. Kristinsson, hefur mikinn metnað fyrir hönd kórsins og öruggt er að fullyrða að enginn verður svikinn af dagskrá tónleikanna. Sl. sumar hélt Drengjakórinn í tónleikaferð til London þar sem þeir sungu m.a. í hinni sögufrægu dómkirkju í Kantaraborg og víðar. Hvarvetna sem drengirnir komu vöktu þeir athygli fyrir yndislegan söng og fallega framkomu.

Einkunnarorð Drengjakórs Reykjavíkur eru: Syngja eins og englar – leika sér eins og strákar – hegða sér eins og herrar.
Hægt er að nálgast miða við innganginn, laugardaginn 15. des og er miðaverð kr. 2000, frítt fyrir 12 ára og yngri.
[youtube width=“600″ height=“325″ video_id=“sBb6fgSygpA“]
SHARE