Aðdáendur Fifty Shades of Grey gátu fagnað nú um helgina þegar fyrsta kvikmyndaplakatið var frumsýnt ásamt því að spennandi vefsíða fyrir myndina var opnuð. Haft er eftir leikstjóra myndarinnar að hann hafi tónað aðeins niður kynlífssenur svo að hún yrði kvikmyndahúsavæn! Við verðum að bíða í eitt ár eftir að fá að bera hana augum eða á Valentínusardag 2015.
Justin Bieber sagði við lögregluna þegar hann var handtekinn að móðir hans hefði gefið honum einhver lyf ávísuð frá lækni, svona rétt áður en hann fór út að skemmta sér með pabba sínum! Á sama tíma vill hans nánasta samstarfsfólk að hann leiti sér viðeigandi aðstoðar vegna neyslu og fari að taka sig saman í andlitinu áður en hann eyðileggur líf sitt eins og margar aðrar ungar stjörnur hafa gert. Bara góð spurning hvort að foreldrar hans vilji það?
Ooh la la, Kim Kardashian og Kanye West ætla að gifta sig í sumar í París, í borg elskenda hvað annað. Hún var gestur hjá Jimmy Kimmel Live síðastliðin fimmtudag og upplýsti áhorfendur um áform þeirra. Við getum ekki sleppt að tala um kjólinn sem hún mætti í í umræddan þátt, bleikur kjóll frá Dior sem hún klippti í tvennt og gerir aðrir betur!
Demi Lovato hefur aldrei verið feimin við að skipta um háralit. Hún er ýmist dökkhærð eða ljóshærð en nú fór hún alveg yfir í allt annað. Hún tístaði þessari mynd á fimmtudaginn til að sýna fylgjendum sínum nýja hárlitinn sem er ekkert annað en bleikur og fer henni ótrúlega vel. Vel gert stelpa.
