Á laugardaginn lést Kristín Marti í hörmulegu bílslysi í Noregi. Kristín lætur eftir sig fjögur börn á aldrinum 11-18 ára. Vinkonur Kristínar hafa hafið söfnun fyrir börnin og stofnaður hefur bankareikningur í nafni barnanna í Arion banka í Vík.

Reikningsnúmer er 0317-13-300022 og kennitala 120668-3319.

Við hvetjum þá sem tök hafa á að styrkja börn Kristínar og vottum þeim og öðrum aðstandendum innilegar samúðarkveðjur.

1016510_10151718527688800_661723057_n

Í texta sem Elfa Þorsteinsdóttir vinkona Kristínar setti á facebook og fjölmargir hafa deilt segir eftirfarandi:
Laugardaginn 21. september misstu 4 börn móður sína, þegar vinkona okkar Kristín Marti lét lífið í hörmulegu bílslysi í Noregi. Kristín Marti var einstök manneskja og stórkostleg móðir sem gaf svo mikið af sér til barna sinna. Hún var þeim allt í senn vinur, leiðtogi og góð fyrirmynd. Hún var einstæð móðir og hafði alltaf nóg fyrir stafni, en forgangsröðunin var skýr, því hún átti alltaf tíma fyrir dýrmætar stundir með fjölskyldunni. Kristín nýtti hverja stund til að gera eitthvað uppbyggilegt, hvort sem það var föndur, spil, nám, leikir, útivist eða íþróttir. Það er því djúpt skarð sem hún skilur eftir sig og erfiðir tímar framundan hjá börnunum hennar fjórum: Öldu Sól 18 ára, Ægi Mána 17 ára, Unnari Loga 15 ára og Katrínu Marey 11 ára.

Við vinkonur Kristínar höfum hafið söfnun fyrir eftirlifandi börn hennar, sem eiga um mjög sárt að binda eins og gefur að skilja við þessar óhugsandi aðstæður, sem þau hafa verið sett í. Þessi sjóður er hugsaður fyrir þau, hvað sem þau kann að vanta og höfum við falið Ívari Páli Bjartmarssyni, fjölskylduvini þeirra til margra ára, að annast úthlutun úr sjóðnum og treystum við engum betur til að meta hvar mesta þörfin er á peningunum hverju sinni.

Stofnaður hefur verið reikningur í nafni barnanna í Arion banka í Vík

0317-13-300022
Kt. 120668-3319

Við hvetjum þig til að styrkja þessa frábæru krakka og létta þannig undir með þeim í gegnum þyngsta róðurinn. Nógu þungbær er sorgin, þó þau þurfi ekki að takast á við fjárhagsáhyggjur í ofanálag, svo ung að aldri.
Margt smátt gerir eitt stórt, svo sama hver upphæðin er, þá kemur hún sér vel fyrir börnin hennar Kristínar Marti.
Bestu þakkir fyrir að styðja við bakið á þeim.
Hlýjar kveðjur
Unnur Elfa, Eva Dögg og Sif.

SHARE