Í tilkynningu frá Þjóðleikhúsinu segir:
“Á næsta leikári mun Þjóðleikhúsið setja upp ÓVITA eftir Guðrúnu Helgadóttur í leikstjórn Gunnars Helgasonar. Í verkinu leika börn fullorðna og fullorðnir leikarar leika börnin. Því vantar okkur hóp leikara á til að leika mömmur og pabba, afa og ömmur, öskukarla og afgreiðslufólk, löggur og strætóbílstjóra, karla og kerlingar.”
Tveir 14 barna hópar skiptast á að leika í sýningunni.
Krakkar sem vilja leika á Stóra sviðinu í Þjóðleikhúsinu, á aldrinum 8-14 ára og ekki hærri en 160 cm – eru hvattir til að mæta og skrá sig í prufur.
Mánudaginn 29. apríl á milli klukkan 14.00 og 19.00 fer fram skráning í prufur sem haldnar verða síðar.
Í skráningunni fá allir númer, upplýsingar um hvernær þeir eiga að mæta í prufuna og hvað þeir eiga að kunna þegar prufan fer fram.
Það er mjög mikilvægt að mæta í skráninguna – það er ekki hægt að skrá sig í gegnum síma eða tölvupóst. Er ekki um að gera að gefa börnum sem hafa áhuga á leiklist tækifæri til að koma sér á framfæri og hafa gaman í leiðinni?
