Tina Turner er látin. Söngkonan var með eina eftirminnilegustu rödd allra tíma og á átti smelli á borð við Proud Mary og The Best en hún var 83 ára þegar hún lést eftir langvarandi veikindi, sagði talsmaður hennar.
Turner hafði verið við slæma heilsu undanfarin ár, greindist með ristilkrabbamein árið 2016 og fór í nýrnaígræðslu árið 2017. „Það verður útför þar sem nánir vinir og vandamenn verða viðstaddir,“ sagði talsmaður hennar. „Vinsamlegast virðið einkalíf fjölskyldu hennar á þessum erfiða tíma.“
Á ferli Tínu sem spannar yfir 60 ár vann söngkonan, sem hét réttu nafni Anna Mae Bullock og fæddist í Tennessee, átta Grammy-verðlaun og fékk stjörnu bæði á Hollywood Walk of Fame og St Louis Walk of Fame.
Sjálfsævisaga hennar, I, Tina sem seinna varð að kvikmyndinni What’s Love Got To Do With It frá 1993, sýndi stormasamt samband Tinu og Ike Turner. Angela Bassett lék Tinu og hlaut tilnefningu til Óskarsverðlauna fyrir leik sinn.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
