Hún er ekki bara klár, hún Misa Minnie, heldur hefur hún líka gaman að trixunum sem hún er ólm í að leika. Og það sem meira er, þessi litla silkidúlla er bara 18 mánaða gömul.
Þrautþjálfuð, bráðgreind og einstaklega skemmtileg og er með sína eigin You Tube rás, þar sem skoða má myndbönd af þessu litla krútti leika sér nær allan liðlangan daginn. Hún lokar hurðum, þykist vera leið, fer í bænastellingu, ekur bíl, rennir sér um á hjólabretti, tekur til og málar myndir með litla munninum.
En það er ekki allt. Misa Minnie er langt frá því að vera sirkúshundur í þjálfun tilgangslausra kúnsta.
Hún er meðferðarhundur og heimsækir langveik börn og fullorðið fólk með ólæknandi sjúkdóma.
Magnað, ekki satt! Ástin er svo heilandi afl, ekki nema von að þessi litla dúlla hafi verið valin til meðferðarúrræða!
https://www.youtube.com/watch?v=4qqnB5YpR_I
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
