Nú er mesta átið yfirstaðið og margir farnir að hugsa með tilhlökkun til þess að koma sér í ræktina aftur. Sumir eru kannski að fara að stíga sín fyrstu skref í æfingunum og ætla að byrja árið með trompi.
Ég er sjálf mikið fyrir jóga. Mér finnst gott að komast í róleg umhverfi, helst heitt herbergi eins og er í Hot Yoga, hlusta á rólega tónlist og rækta líkama minn og sál, allt á sama tíma.
Hér eru nokkrar æfingar sem eru góðar til að þjálfa upp magavöðvana og fann ég þessa samantekt á vefnum Self.
1. Báturinn
Sittu á gólfinu með hnén beygð og lyftu svo iljunum upp af gólfinu. Haltu bakinu beinu og öxlum slökum. Hægt og rólega réttu svo úr fótunum.
2. Rokk og ról armbeygja (Rock roll pushup)
Byrjaðu í planka og dragðu svo vinstri fót upp svo hnéskelin komi í átt að nefinu. Það má alveg koma smá bogi á bakið. Haltu svona eins og þú getur. Farðu svo til baka í plankann. Endurtaktu á hinni hliðinni.
3. Öfugur planki
Byrjaðu sitjandi með hendur í gólfinu til hliðar við mjaðmir. Lyftu fótum og mjöðmum upp. Reyndu að láta líkamann vera í beinni línu frá tám og upp í haus. Leyfðu höfðinu að detta aðeins aftur svo hakann beinist upp í loft.
4. Low lunge
Þú byrjar í „hundinum sem horfir niður, stígur svo hægri fótinum fram á milli handa, svo hnéð sé yfir hælnum. Láttu svo vinstra hnéð koma fram á við án þess að það snerti gólfið. Lyftu svo líkamanum og réttu úr handleggjunum upp fyrir ofan höfuð. Endurtaktu á hinni hliðinni.
5. Kópran
Liggðu á maganum með fætur og enni í gólfi. Leggðu lófana flata við hlið brjóstkassans og hafðu olnbogana beygða og fingur beint fram. Þrýstu svo lófum niður og ýttu öxlum og brjóstkassanum frá gólfinu.
Tengdar greinar:
Viltu fá sléttan maga – þrjár einfaldar en árangursríkar æfingar – Myndband
Broslegar æfingar í ræktinni
Hversdagsleg gleymska – hvað er til ráða?
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
