8 ára stúlka í New York fékk heldur óvænta gjöf á Jóladag frá góðgerðarsamtökum þar ytra, en gjöfin kom nánar til tekið frá St. Anthony´s kirkju. Fósturmóðir stúlkunnar, Sheeba Anderson heyrði stúlkuna segja:
Sjáðu Fröken Sheeba, ég fann byssu.
Þá var stúlkan búin að opna gjöfina og í kassanum, ásamt bangsa, var byssa. Stúlkan var komin með byssuna í hendurnar og veifaði henni til og frá og segir Sheeba að hún hafi alls ekki búist við þessu, þetta hefði getað orðið hræðilegt slys.
Sheeba tilkynnti þetta að sjálfsögðu til lögreglunnar en það er mjög erfitt að rekja þetta mál því gjöfin var gefin frá nafnlausum aðila eins og allar gjafirnar og það var búið að skrapa raðnúmerið af byssunni.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
