![©GUSK_NOVA_Is_Hol-0231](https://www.hun.is/wp-content/uploads/2015/09/©GUSK_NOVA_Is_Hol-0231.jpeg)
Það verður mikil spenna í loftinu þegar íslenska karlalandsliðið í knattspyrnu leikur á móti liði Kazakhstan á Laugardalsvelli í kvöld. Jafntefli nægir til þess að Ísland komist á EM í knattspyrnu en mótið verður haldið í Frakklandi á næsta ári.
Símafyrirtækið Nova verður með beina útsendingu frá leiknum á risaskjá á Ingólfstorgi og verður mikið fjör á torginu af því tilefni. DJ Margeir þeytir skífum, stuðningsmannahópar hjálpa áhorfendum að hvetja sína menn til sigurs og þrír af bestu trommurum landsins sjá til þess að allir séu í takt. „Það verður hrikalega gaman og enn skemmtilegra ef við komumst áfram“, segir Guðmundur Arnar Guðmundsson, markaðsstjóri Nova.
Við hjá Hún.is ætlum að sjálfsögðu að mæta á staðinn og hvetja okkar menn!
![](https://www.hun.is/wp-content/uploads/2022/01/Screenshot-2022-01-05-at-12.11.47.jpg)
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.