Hildur Markúsdóttir er 37 ára, tveggja barna móðir og hárgreiðslukona. Hún kom í viðtal til mín í hlaðvarpið Fullorðins til að ræða veikindi sem hún hefur átt við að stríða síðan hún fór í bólusetningu við Covid.
Hildur segir að hún hafi í upphafi farið í Jansen bólusetningu, sem var frábrugðin hinum bóluefnunum að því leyti að þú áttir bara að þurfa eina sprautu og ekkert meir. Ári seinna, þegar Hildur ætlaði að fara erlendis, kom þó í ljós að hún þurfti að fara í svokallaðan „búster“ til þess að geta farið erlendis. Hún fór í „bústerinn“ og fann um leið að eitthvað var öðruvísi en hún var vön, en var ekkert að gera mál úr því, því margir höfðu talað um að þeim leið eitthvað illa eftir bólusetningar.
Næstu dagana var líðan hennar furðuleg og henni fannst alltaf að það væri eitthvað skrýtið í gangi. Það var svo þegar hún var heima hjá sér að lakka á sér táneglurnar og pírði augun til að lakka nöglina á litlu tá sem hún uppgötvaði að hún sá nánast ekki neitt með vinstra auganu.
Hildur fór á læknavaktina og þá kom í ljós að hún var með 20% sjón á vinstra auganu og þá fór boltinn að rúlla. Síðan þá hefur Hildur farið út um allt í skoðanir og myndatökur, aðgerðir, geisla og fleira og niðurstaðan er að hún er með æðaæxli á bakvið augað.
Þátturinn er í opinni dagskrá og er hér að neðan.
Fylgdu okkur á Facebook
Fylgdu okkur á Instagram
Fylgdu okkur á TikTok
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
