Nú er enn ein stúlkan komin í fjölmiðla erlendis vegna þess að hún lítur út eins og Barbie. Þessi stúlka heitir Lhouraii Li og eyðir 4 klukkustundum á dag í að gera útlit sitt „fullkomið“. 
Lhouraii er 21 árs gamall naglafræðingur og býr í Bradford, en hún notar sérstakar augnlinsur og gerviaugnhár til þess að gera augu sín eins og á dúkku.
„Ég set linsurnar í augun svo þau virðist stærri og svo mála ég mig þannig að augun líta út fyrir að vera enn stærri og nota 14 pör af gerviaugnhárum,“ segir Lhouraii í viðtali við DailyMail. „Ég raka af mér augabrúnirnar og teikna þær hærra til þess að þetta líti ekki furðulega út þegar augun eru svona stór.“
Hún er það háð þessu útliti sínu að hún fer aldrei útúr húsi án þess að mála sig alveg. „Þetta er engin kvöð á mér. Mér finnst gaman að mála mig,“ segir Lhouraii.
Þessi ljóshærða stúlka hefur ekki alltaf verið svona útlítandi en á tímabili var hún „goth“, en þá er fólk klætt í svart og málað hvítt í framan og helst með svartan augnskugga og varalit.
Lhouraii segist hafa fengið mun fleiri augngotur og gláp frá fólki þegar hún var „goth“ heldur en núna.
Stærsti aðdáandi Lhouraii er kærastinn hennar, hinn 24 ára gamli Nathan Kent en hann segist elska útlitið hennar.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
