„Hvað er ég búin að koma mér í núna…? Lét vin minn Einar Bárðarson tala mig inn á það að taka þátt í hjólreiðakeppninni Gullni hringurinn þann 12. júlí og hjóla 46 km. Það verður eitthvað.
En það verður allavega ekkert mál að finna mig ef ég týnist! — with Einar Bardarson.”
Svona hljóðar ný stöðuuppfærsla sem birtist á Facebook síðu Ragnheiðar Elínar Árnadóttur, iðnaðar- og viðskiptaráðherra fyrr í kvöld og svo virðist sem full alvara sé á ferðum, en frú ráðherra er hér að vitna í árlega hjólreiðakeppni sem Einar Bárðason stendur nú fyrir að þriðja sinni og ber nafnið Gullhringurinn.
Fjör virðist verið að færast í leika, en á Facebook síðu Einars Bárðasonar kom fram í gærkvöldi að einir 123 keppendur hefðu þegar skráð sig til leiks og enn er að bætast í hópinn.
111 keppendur skráðir til leiks í Gullhringinn núna þegar tæpar 2 vikur eru í keppnina. Skráningarnar húrrast inn á www.hjolamot.is – stefnir klárlega í metskráningu í ár ! ( editerað 00:06 – núna eru það 123 )
Tekið af FB síðu Einars Bárðasonar, uppfærsla skráð þann 29.06.14
Ragnheiður birti þessa mynd af þeim Einari Bárða á Facebook síðu sinni fyrr í kvöld:
Ragnheiður mun vera fyrsti ráðherra íslensku ríkisstjórnarinnar sem skŕáir sig í hjólreiðakeppnina, og virðist af myndinni að dæma vera staðráðin í að mæta glæst til leiks og við öllu búin.
Á upplýsingasíðu Gullhringsins á Facebook kemur eftirfarandi fram:
Gullhringurinn verður haldinn þriðja árið í röð dagana 10.-13. júlí 2014. Nú stærri en nokkru sinni fyrr. Keppt verður bæði í einstaklings- og liðakeppni í þrem mismunandi „dagleiðum”. Eins og nafnið gefur til kynna er Gullhringurinn kenndur við það sem erlendir ferðalangar á Íslandi kalla „The Golden Circle.“
Hjólað verður á Þingvöllum, Ljósafoss og á Laugarvatni. Í fyrsta sinn geta lið einnig skráð sig til leiks og verða fyrstu verðlaun fyrir besta liðsárangurinn í öllum þrem leggjunum.
Allar upplýsingar um þessa stórglæsilegu hjólreiðakeppni er að finna á Facebook: HÉR en við óskum ráðherra alls hins besta og hvetjum alla sem vettlingi geta valdið að taka þátt í þessari stórglæsilegu keppni sem án efa verður stórskemmtileg.
Áfram, stelpur!
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
