Árið 1993 rændu tveir 10 ára drengir sem áttu heima í Liverpool tveggja ára dreng, pyntuðu hann og myrtu. Jon Venables og Robert Thompson rændu litla drengnum úr verslunarmiðstöð þar sem hann var með móður sinni.


Morðið
Á eftirlistmyndavél sjást drengirnir fylgjast með börnum og voru þeir greinilega að leita að fórnarlambi. Þeir höfðu safnað saman ýmsu dóti yfir daginn, nammi, leikföngum og fleiru í þeim tilgangi að lokka barnið til sín. Drengirnir 2 rændu 2 ára gömlum James Bulger og leiddu hann út úr verslunarmiðstöðinni, þeir veittu drengnum um 42 áverka og talið er að þeir hafi misnotað hann kynferðislega þar sem búið var að fjarlægja nærföt hans og áverkar fundust á kynfærum drengsins. Drengirnir slettu málningu í augu hans, spörkuðu í hann, hoppuðu á honum og hentu múrsteinum og steinum í hann. Batteríum var troðið upp í munn hans og talið er að þeir hafi komið batteríum fyrir í afturenda hans. Eftir þetta tóku drengirnir upp 10 kg járnstöng sem þeir hentu ofan á drenginn þar sem hann lá í jörðinni og lömdu hann með henni, drengurinn hlaut 10 höfuðkúpubrot og réttarlæknirinn sagði í vitnisburði sínum að áverkar hans hefðu verið svo margir og alvarlegir að það hefði ekki verið hægt að dæma um nákvæmlega hvaða högg varð honum að bana. Eftir að þeir höfðu myrt drenginn komu þeir honum fyrir á lestarteinum í þeirri von að lest keyrði yfir hann.

Dómurinn
Drengirnir 2 voru dæmdir í lífstíðarfangelsi en sleppt til reynslu með ný nöfn og skilríki árið 2001. Blátt bann var sett við því að upplýsingum um þá yrði lekið til fjölmiðla og mikil mótmæli brutust út vegna þessa. Móðir litla James Bulger var aldrei sátt við að morðingjunum yrði sleppt og var mjög illa við að þeir fengju ný nöfn og kennitölu.

Nú eru morðingjarnir orðnir þrítugir og reynslulausn annars, Jon Venables var tekin til baka því að hann braut af sér, en það fannst meðal annars barnaklám í tölvunni hans sem hann hafði dreift. Hann fékk þó aðeins 2 ár fyrir að brjóta af sér á skilorði. Þrátt fyrir bann um fréttir af honum voru myndir af honum (fullorðnum) birtar á Twitter. Það varð allt brjálað vegna þess og sá sem dreifði myndunum gæti þurft að sitja í fangelsi.

Skólamynd af morðingjunum

Móðir drengsins sem var myrtur hefur alltaf mótmælt því að morðingjarnir skuli njóta þessarar verndar, m.a. af því að með því er hætta á að saklausir menn kynnu að vera álitnir morðingjarnir.

Ætli þessir menn verði nokkurn tímann hæfir til að lifa í nútímasamfélagi?

SHARE