Hönnunar- og lífsstílsfyrirtækið House Doctor hefur tekist að sanna sig enn einu sinni með tilkomu nýju haust- og vetrarlínu fyrirtækisins sem þeir kalla “Augnablik”. Samhljómur er á milli efnisvals og lita hjá þessu framsækna danska hönnunarfyrirtæki. En vörulína þeirra í ár samanstendur af mildum litatónum, allt frá rósableikum yfir í mosagræna, gula og milda gráa tóna. Andstæður eru áberandi í efnisvali sem best sést á kopar- og gulllituðum ljósum, kertastjökum og vösum, viðarhillum og stólum ásamt marmaraborðplötum.
Þóra er keramikhönnuður og starfar sem slíkur á vinnustofu sinni í Hafnarfirði ásamt pistlaskrifum og kennslu. Þóra reynir að tileinka sér umhverfisvæna mannasiði á sem flestum sviðum og notar t.d. sem náttúrulegust hráefni í hönnun sína. Hún hefur tekið þátt í fjölda sýninga bæði hér heima og ytra ásamt því að hafa komið að rekstri tengdum heilsu og hönnun.
