Þessi æðislega kaka er frá Eldhússystrum.
9 eggjahvítur
400 gr sykur
400 gr kókosmjöl
Krem
300 gr suðusúkkulaði
100 gr smjör
6 stk eggjarauður
100 gr flórsykur
Þeytið eggjahvíturnar þar til þær fara að mynda toppa. Bætið sykrinum útí í litlum skömmtum og þeytið þar til sykurinn er alveg uppleystur. Hrærið kókosmjölinu saman við, en hrærið eins lítið og þið komist upp með. Setjið degið í tvö form og bakið við 180°c í ca 18-20 mín. Látið botnana kólna alveg.
Bræðið súkkulaðið og smjörið saman. Látið kólna aftur að mestu. Þeytið eggjarauðurnar og flórsykurinn vel saman. Blandið eggjarauðunum og súkkulaðinu saman með sleikju.
Leggið kaldann botn á kökudisk, smyrjið kremi á botninn og leggið seinni botninn ofan á, smyrjið afgangnum af kreminu á kökuna.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
