Baunachilli með sætum kartöflum

Á heimasíðunni Allskonar er að finna mjög margar góðar uppskriftir og við rákumst á þessa þarna inni.

Það er svakalega fljótlegt að búa til gott chilli úr grænmeti og í þessa uppskrift getur þú notað þær baunir sem þér finnast bestar; kjúklingabaunir, nýrnabaunir, pintobaunir, svartaugabaunir eða hvað sem þig langar í. Ég notaði niðursoðnar svartar baunir. Ef þú ætlar að elda úr þurrkuðum baunum þá þarftu að leggja þær í bleyti um morguninn og sjóða áður en þú ferð að elda þennan rétt.

Baunachilli fyrir 4

  • 2 msk olía
  • 1 laukur, fínsaxaður
  • 3 hvítlauksrif, marin
  • 1 rautt chili, fræhreinsað og fínsaxað
  • 2 tsk cumin fræ
  • 1 tsk kakóduft
  • 1 tsk salt
  • 2 msk tómatpúrra
  • 1 meðalstór sæt kartafla
  • 1 græn paprika
  • 150 gr snjóbaunir, ferskar
  • 300ml vatn
  • 1 teningur grænmetissoð
  • 1 dós niðursoðnir tómatar
  • 1 msk Worchestershire sósa
  • 2 msk hlynsýróp
  • 1 dós svartbaunir
  • salt
  • sýrður rjómi + avocado

Undirbúningur: 10 mínútur

Eldunartími: 40 mínútur

Hitaðu olíuna í stórum potti og steiktu laukinn á meðal hita í um 5 mínútur. Bættu þá við hvítlauknum, chiliinu, cuminfræjum, kakódufti og salti. Steiktu kryddin í um 1 mínútu eða þar til allt fer að ilma. Hrærðu þá tómatpúrrunni út í og steiktu í 30 sekúndur. Bættu nú við kartöflunum, paprikunni og snjóbaununum og hrærðu öllu vel saman. Helltu nú vatni í pottinn og þegar byrjar að sjóða seturðu grænmetiskraftinn út í og niðursoðnu tómatana ásamt worchestershire sósunni. Láttu suðuna koma upp, lækkaðu hitann undir þannig að rétt malli og láttu sjóða rólega með loki á í um 30 mínútur eða þar til kartöflubitarnir eru mjúkir.

Hrærðu núna hlynsýrópinu og baununum saman við og smakkaðu til með salti.  Láttu sjóða í 2-3 mínútur.
Berðu fram með sýrðum rjóma og avocado sneiðum, það er líka mjög gott að saxa smá ferskan kóríander yfir.

Endilega smellið einu like-i á

SHARE

LEAVE A REPLY

Please enter your comment!
Please enter your name here