Snúðadeig.
700 gr Hveiti
1 ½ tsk salt
4 tsk þurrger
80 g sykur
4 dl volgt vatn, jafnvel aðeins rúmlega
1 dl olía ég nota isio4
Aðferð
Setjið þurrefni saman í hrærivélarskál og blandið aðeins saman með króknum.
Bætið við vatni og olíu vinnið vel saman með króknum í u.þ.b 5 mín. Látið hefast í 30 mín.
Takið deigið úr skálinni, fletjið út smyrjið fyllingunni yfir, rúllið upp í lengju skerið í hæfilega stóra snúða, smyrjið eldfast form að innan með smjöri, setjið snúðana ofaní og látið síðan hefast í 20 mín.
Hitið ofn í 180 gráður og blástur. Bakið í ca 20 til 25 mín eða þar til gullin brúnir, jafnvel örlítið meir, eða þar til gullin brúnir. Gott er að setja álpappír yfir snúðana ef þeir fara að dökkna mikið.
Ef eitthvað af snúðum er afgans þ.e fara ekki í formið þá hita ég ofninn upp í 220 gráður og blástur raða þeim á bökunnarpappír, og baka í u.þ.b 10-12 mín.
Sjá meira: djupsteiktir-snudar
Fylling
Hráefni
6-7 msk smjör við stofuhita
150 g púðursykur
2 ½ msk kanill
Aðferð
Blandið saman í skál, smyrjið ofaná deigið.
Rjómaostakrem
Hráefni
60 g smjör
4 dl flórsykur
5 msk rjómaostur
2 tsk vanilludropar
Aðferð
Allt sett saman í hrærivélaskálina hrærið saman um stund í u.þ.b 5 mín. Setjið ofaná snúðana þegar þeir eru orðnir volgir.
Einnig er nú afar gott að setja SÚKKULAÐI GLASSÚR ofaná.
Hrikalega góð með kaffinu eða kaldri mjólk!
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
