Hver man ekki eftir mjúku gúmmíboltunum sem voru svo vinsælir hér um árið – sem var hægt að kreista og hnoðast með að vild. Boltana sem var hægt að móta og djöflast með og komu í alls konar litum.
Við sem erum komin á fullorðinsaldurinn þekkjum þessa bolta undir nafninu STRESSBOLTI en einhverjir nota einmitt svona hnoðbolta til að hindra að við fáum músa-olnboga sem skrifstofufólk fær gjarna vegna langvarandi tölvunotkunar.
Sjá einnig: DIY kertaglös með (fjölskyldu)myndum – Myndir
Í myndbandinu hér að neðan fer þúsundþjalasmiðurinn King Of Random yfir það hvernig hægt er að búa til svona litla og krúttlega stressbolta heima í eldhúsinu. Það kostar bara örfáar krónur, er þrælskemmtilegt ferli og er alls ekki flókið í framkvæmd. Þvert á móti þarftu einungis einn poka af venjulegum blöðrum, vænan sekk af hveiti – föndurskæri og jafnvel örlítið tonnatak. Einfalt, skemmtilegt og sniðugt.
Sjá einnig: DIY – Myndarammi úr rekavið – Myndir
Ferlið er svo einfalt að börnin geta tekið þátt í leiknum, hægt er að búa til heilan helling af klæðskerasniðnum boltum úr einum blöðrupakka og kílói af hveiti og árangurinn er dásamlegur.
Gleðilegan laugardag – upp með hveitipokann og blöðurnar!
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
