Jennifer Lopez segir að þýska herbergisþernan sé að ljúga upp á hana að hún hafi látið segja henni upp hjá hótelinu sem hún starfaði hjá. Jennifer er mjög óhress með það hvernig slúðurblöðin í Þýskalandi hafa fjallað um þetta mál og segir að ekkert sé til í þessari sögu þernunnar.

Jennifer sagði:

Þið eigið að þekkja mig betur en þetta. Ég myndi aldrei láta reka neinn fyrir að biðja um eiginhandaráritun.

Heimildarmaður sagði slúðursíðunni TMZ að það hafi komið upp atvik vegna herbergisþernunnar en það hafi ekki haft neitt með eiginhandaráritun að gera. Hún hafi „ruðst“ inn á herbergið án þess að gera boð á undan sér og öryggisverðir söngkonunnar stoppuðu hana til að passa upp á öryggi J-Lo.

Hótelstjórinn sagði Jennifer svo að það hafi enginn verið rekinn heldur hafi ræstingafyrirtækið sem þernan kom frá hafi fært hana til í starfi svo hún er að þrífa aðra byggingu núna.

Talsmaður Jennifer segir að Jennifer sé mjög duglega að heilsa upp á aðdáendur sína og stoppi og gefi eiginhandaráritanir og heilsi gjarnan upp á starfsfólk hótelanna.

SHARE