Hún er hundrað ára gömul, dansar eins og engill og semur sín eigin verk. Hin aldargamla Eileen Kramer segir lykilinn að langlífi vera ástríðu fyrir listrænni sköpun og stígur brátt á svið áhugaleikhúss í Sidney, Ástralíu, þar sem hún hyggst frumsýna nýjasta verk sitt, The Early Ones.

.

r0_1_1200_676_w1200_h678_fmax

.

Sneri til heimalandsins og tók til starfa orðin 99 ára að aldri

Eileen var komin yfir tvítugt þegar hún steig sín fyrstu skref í dansheiminum og var þannig í síðari kantinum að flytja verk á sviði ef taka á mið af kröfum þeim sem ballettheimurinn gerir til dansmeyja. En það var heldur ekki ballett sem heillaði Eileen heldur nútímadans og þannig hefur hún dansað fyrir áhorfendur á löngum ferli sínum milli ólíkra heimsálfa, allt frá Suður Afríku til Indlands. í Bandaríkjunum bjó hún lengi og sneri loks aftur til Ástralíu, 99 ára að aldri, þar sem hún æfir enn dans og semur dansverk.

.

507215431_640

.

Try to do creative work, because if you’re dealing with creative work you’re doing something new all the time.

 .

286567-8b451d44-be3d-11e4-870a-64b168121aee

 

Býr í athvarfi fyrir heimilislausa og semur dansverk

Þó Eileen sé í hárri elli hefur hún síður en svo setið auðum höndum frá því hún sneri heim til Ástralíu og dansverkið sem frumsýnt verður í næsta mánuði er ekki fyrsta verk Eileen frá heimkomu fyrir ári síðan. Þannig lék hún nýverið í ágætu tónlistarmyndbandi og hlaut opinberan fjárstyrk til að semja dansverk sitt, The Early Ones en sjálf hannaði Eileen einnig búninga dansarana sem stíga á svið með henni og eru sem heillaðir af áræðni hennar, þolgæði og unggæðingslegum þrótti.

.

Eileen-Kramer-Shane-Carroll

Lætur blindu á öðru auga ekki standa í vegi fyrir skapandi starfinu

Eileen, sem er sjónlaus á öðru auga, lætur blinduna ekki standa í vegi fyrir sér. Þvert á móti samdi hún verkið með eigin takmarkanir í huga og stendur að mestu kyrr meðan á dansverkinu stendur og félagar hennar þyrlast allt um kring á sviðinu.

.

maxresdefault (1)

Ég vil meina að ég sé að framkvæma minimalískan expressjónisma. Ég stend að mestu í sömu sporum og sveigi líkamann til meðan á sýningu stendur.

Stórkostleg kona og mögnuð fyrirmynd; en leyndardóminn að baki langlífi sínu segir hún einfaldan og fábrotinn en skemmtilegan:

Allir ættu að iðka listir. Skapandi störf og hugsjónir gera manni kleift að takast á við eitthvað nýtt á hverjum degi. Það heldur manni ungum.

Tengdar greinar:

Forvitnilegt: 65 ára er konan á hátindi kynþokkans

Eldri fyrirsætur ryðja sér til rúms sem aldrei fyrr

Hormón og breytingaskeið kvenna

SHARE