Úrslit í Elite Model Look voru tilkynnt í gærkvöldi og er þetta 4. árið í röð sem keppnin er haldin hér á landi. Þúsundir stúlkna á aldrinum 14- 22 ára hafa tekið þátt í keppninni og í ár var sú nýbreytni tekin upp að strákar fengu að taka þátt líka.
Við hjá Hún.is mættum að sjálfsögðu á svæðið í gær og fylgdumst spenntar með keppninni en kynnir kvöldsins var Haffi Haff og var að sjálfsögðu hress að vanda. Dómarar keppninnar voru Elínrós Líndal frá Ella Design, Michelangelo Chiacchio frá Elite í London og Kjartan Már Magnússon ljósmyndari.
Sigurvegarar keppninnar heita Berglind Pétursdóttir frá Akureyri og Hafþór Valsson frá Vestmannaeyjum.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
