Samkvæmt heimildum DV eru þau Kim Kardashian og Kanye West stödd á Íslandi núna, en miðillinn hermir að einkaþota þeirra hafi lent á landinu í gær.
DV segir þau Kim og Kanye eða Kamye eins og þau eru oft kölluð í bandarísku slúðurpressunni, hyggja á skoðunarferð um Ísland og heimsókn í Bláa Lónið, en Kim glímir við Psoriasis og því eðlilegt að áætla að frú Kardashian West ætli sér að prófa áhrif kísilsins.
Erfitt er að lesa í stöðuna sem stendur, en Kim birti rétt í þessu ljósmynd á Instagram undir yfirsögninni:
I miss him so much! Hurry Home! #tourlife #hurryhome
Kanye er nú á tónleikaferðalagi um Evrópu og heldur tónleika í Berlín á morgun, þriðjudag og því trúlegt að hjónakornin ásamt föruneyti haldi brátt af landi brott, reynist heimildir DV vera réttar.
Lesa frétt DV um þau Kim og Kayne: Smellið HÉR
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
