![Screen shot 2013-01-22 at 08.45.27](https://www.hun.is/wp-content/uploads/2013/01/Screen-shot-2013-01-22-at-08.45.27.png)
Fiskur í kókos og karrý
600 g ýsu- eða þorskflök
2 msk olía
2 laukar, saxaðir
2-3 hvítlauksgeirar, saxaðir smátt
1 rautt chilialdin, fræhreinsað og saxað
3-4 gulrætur, skafnar og skornar í sneiðar
2-3 paprikur, fræhreinsaðar og saxaðar
150 ml mild eða meðalsterk karrísósa úr krukku, t.d. Goan masala
½ tsk karríduft
450 ml kókosmjólk
nýmalaður pipar
salt
1 sítróna
Fiskurinn skorinn í bita. Olían hituð á stórri pönnu og laukurinn og hvítlaukurinn látinn krauma í olíunni í nokkrar mínútur við meðalhita. Chili og paprikum hrært saman við og 1-2 mínútu síðar karrísósu, karrídufti, kókosmjólk, pipar og salti. Börkurinn rifinn af sítrónunni og hrært saman við. Látið krauma við hægan hita í um 10 mínútur og hrært öðru hverju.
Fiskbitarnir settir út í og látnir malla þar til þeir eru rétt soðnir í gegn. Safa úr sítrónunni dreypt yfir skömmu áður en þeir eru tilbúnir. Sósan er svo smökkuð til með meiri sítrónusafa, pipar og salti og borið fram með soðnum hrísgrjónum.
![](https://www.hun.is/wp-content/uploads/2022/01/Screenshot-2022-01-05-at-12.11.47.jpg)
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.