![6591645993_7af4a4a225_z](https://www.hun.is/wp-content/uploads/2013/10/6591645993_7af4a4a225_z.jpg)
Nýjum eiganda íbúðar í París brá heldur betur í brún þegar hann opnaði hurðina á íbúðinni og sá þar fyrri eiganda íbúðarinnar hangandi í snöru. Maðurinn sem hékk í snörunni hafði verið fertugur þegar hann fyrirfór sér eftir að hafa misst vinnuna og átti ekki nóg til þess að borga reikningana sína.
Sjálfsvígið átti sér stað fyrir 8 árum en lík mannsins hafði aldrei fundist vegna þess hversu mikill einstæðingur maðurinn hafði verið.
Bankinn tók á endanum íbúðina yfir og seldi hana á uppboði en hafði greinilega ekki fyrir því að skoða eignina áður en hún var seld. Að sögn lögreglu var líkið í góðu ásigkomulagi sem og íbúðin.