Við fjölluðum fyrr á þessu ári um áhugaljósmyndarann sem vildi fá barnungar stúlkur til að afklæðast. Fyrstu greinina má nálgast hér. Eftir að við fjölluðum um málið stigu nokkrar ungar stúlkur fram og sögðu sögu sína hér á Hún.is. Maðurinn var færður í gæsluvarðhald í lok janúar og var nýlega dæmdur til fjögurra og hálfs árs fangelsisvistar fyrir kynferðisbrot og brot gegn barnaverndarlögum. Maðurinn setti sig í samband við ungar stúlkur á Facebook. Stúlkurnar skiptu tugum og um var að ræða stúlkur á aldrinum 12 til 15 ára. Hann talaði við stúlkurnar undir því yfirskyni að hann væri áhugaljósmyndari og reyndi að fá þær í nektarmyndatökur. Í dómi Héraðsdóms Reykjavíkur segir að um einbeittan ásetning hafi verið að ræða og að brot hans séu mörg og að mörg þeirra hafi verið til þess fallin að hafa í för með sér alvarlegar afleiðingar.
Yngstu fórnarlömb mannsins voru tólf og þrettán ára og alvarlegasta brotið er hann sagður hafa framið þegar hann var sextán ára. Mörg fórnarlömb mannsins voru mun yngri en hann þegar brotin áttu sér stað og var hann því í yfirburðastöðu í aldri og þroska og nýtti hann sér þessa yfirburðastöðu sína. Maðurinn var meðal annars ákærður fyrir nauðgun. Í gær barst okkur tölvupóstur frá konu sem vildi segja sína sögu. Hún berst enn við afleiðingar ofbeldisins og ákvað að segja sína sögu. Hún treystir sér ekki til að koma undir nafni eins og stendur en hér er saga hennar:
Fannst hún sjá hann og stirðnaði upp
Þó að þetta mál hafi blundað lengi í mér hef ég ákveðið að koma loksins fram með sögu mína. Eins og margir vita var áhugljósmyndarinn Eyþór Kolbeinn dæmdur í fangelsi fyrir mörg kynferðisbrot gagnvart ungum stúlkum og þar á meðal mér. Ég las margar sögur þar sem þessar stelpur lýstu því sem hann gerði við þær. Mín saga er að vísu ekki mikið ólík þeirra nema kannski að því leiti að hann braut á mér á fjöggurra ára tímabili. Ástæðan fyrir því að saga mín kemur núna er það að mér fannst ég sjá hann í gær, stirðnaði upp og gat ekki sofið. Ég verð að fá að tala um þetta og kannski minnkar þetta höfuðverkinn.
Þegar ég kynntist honum árið 2009 leit hann út fyrir að vera hinn fínasti gaur, en að vísu var hann tveimur árum eldri en ég, þá hann sautján og ég fimmtán. Hann spjallaði lítið við mig og spurði hvort að ég kæmi ekki á rúntinn og sagði að við myndum kannski kíkja í kringluna eða eitthvað svoleiðis. Vitlausa litla stelpan ég fann fyrir einhverri spennu við það að einhver eldri strákur væri að veita mér áhuga svo ég ákvað að kýla á þetta. Þetta er ákvörðun sem ég hef séð eftir síðan.
Hann sótti mig fyrir utan sjoppu í hverfinu mínu á gráum bíl sem hann sagði að pabbi sinn ætti. Ég settist inn í bílinn og hann ók af stað, við vorum ekki búin að spjalla mikið þegar hann byrjaði að hrósa mér rosalega fyrir það hvað ég væri falleg og vel vaxin. Hann hrósaði mér meira en nokkur maður hefur gert og í framhaldi af því tók hann um brjóstið á mér og þreifaði á því. Ég stirðnaði algjörlega upp, hvað átti ég að gera? Í heimsku minni hló ég aðeins að honum, honum greinilega líkaði það svo hann ákvað að fara inn á brjóstið á mér og klípa þau og strjúka, ennþá sat ég og horfði út um gluggan.
Hann vildi mikið að við myndum gera eitthvað meira en ég afþakkaði alltaf, þá stoppaði hann bílinn einhverstaðar fyrir utan bæinn og fór að káfa á maganum á mér og færa sig neðar. Þegar að því stigi var komið gat ég loksins sagt nei og tók höndina hans í burtu og bað hann um að skutla mér bara heim. Í þann mund hringdi síminn hans, hann dæsti og sagði, allt í lagi, kannski bara seinna. Mér fannst þetta ekkert þess virði að vera að segja einhverjum þetta og hélt því þá leyndu.
Daginn eftir hringir hann í mig og spyr hvað ég sé að gera, þó að ég hafi reynt að koma mér út úr því að hitta hann með því að segjast vera í skólanum náði hann einhvernveginn að koma mér í þá stöðu að hann sá að ég var að ljúga. Hann sagðist þá verða kominn eftir tíu mínútur fyrir utan hjá mér. Ég fann fyrir stressi og stóð því fyrir framan gluggann hjá mér til þess að sjá hvort að hann væri nokkuð að koma, en aldrei sá ég gráa bílinn sem hann sótti mig á daginn áður. Allt í einu hringir dyrabjallan, ég hafði ekki hugmynd um það að þetta gæti verið hann þar sem ég hafði ekki séð bílinn og ákvað því að opna. Svo birtist hann fyrir framan hurðina hjá mér, hvað átti ég þá að gera? Hlaupa burt eða reyna að loka hurðinni á hann ? Hann var mun stærri og sterkari en ég þannig ég þorði ekki að gera neitt annað en að bjóða honum inn en sagðist vera að læra. Hann yppti öxlum og sagði að við myndum þá bara spjalla. Hann settist á rúmið mitt á meðan ég var við skrifborðið, leit mikið í kringum sig og skoðaði sig um í herberginu mínu. Eftir stutta stund spurði hann hvort að hann gæti ekki hjálpað mér með það sem ég var að læra.
Ég átti í erfiðleikum með það svo ég þáði þá hjálp og settist við hliðina á honum í rúmið með bókina. Hann var ekki fljótur að hrinda bókinni í burtu og byrja að kyssa mig, strjúka mér og segja hvað ég væri falleg. Það var í fyrsta skiptið sem hann svaf hjá mér og mér leið hörmulega, mér leið eins og hóru. Hann bað mig samt um að segja ekki neinum frá þessu þar sem hann ætti kærustu og hann vildi ekki að hún myndi komast að þessu. Ég jánkaði því.
Þó að ég hefði ekki sagt neinum frá þessu virtist eins og allir í skólanum mínum vissu þetta því fljótlega eftir að þetta gerðist fór fólk að spyrja mig hvort að ég hefði sofið hjá honum og þrátt fyrir að ég neitaði því virtist enginn trúa mér.
Krakkarnir í skólanum fóru að hlægja og segja mér sögur af honum sem ég trúði engan veginn upp á hann. Hann hafði voðalega lítið samband við mig eftir það. Allt í einu poppar hann upp aftur og vildi hitta mig aftur, þá var það komið á það tímabil að ég var farin að bíða eftir hringingu frá honum til þess að þóknast honum, það var eins og hann hefði náð einhverju taki á mér og gæti stjórnað mér að vild þótt hann hefði ekki haft neitt samband við mig lengi. Svona gekk þetta í ca. mánuð þangað til að ég eignaðist kærasta, samt var hann alltaf á þessum mánuði að minna mig á hvað ég væri falleg og mest hrósaði hann mér fyrir kynfærin mín. Hann hafði mikinn áhuga á því að taka mig úr öllu að neðan og skoða mig þar. Á þessum mánuði var einnig mikið um kynlíf á mörgum stöðum. Hann tók mig til þess að hitta vin sinn en svaf hjá mér í eldhúsinu hjá honum, við fórum í sund og þar gerði hann það líka. Ég veit að margir hugsa, afhverju sagðiru ekki neinum frá þessu , afhverju sagðiru ekki nei, afhverju þetta og afhverju hitt en ég get ekki sagt ykkur það sem ég veit ekki. Hann var komin með ákveðið hald á mér þangað til að ég eignaðist kærasta.
“Maðurinn nauðgaði mér í sama herbergi og barnið mitt lá sofandi í og barnið vaknaði við það”
Ég og kærastinn minn hættum saman árið 2010 og þá vorum við komin með barn. Rétt eftir að kærastinn minn hætti mér með fæ ég skilaboð um það að hann óski mér til hamingju og hvort að ég sé ekki viss um að þetta sé ekki hans barn. Ég sagði já, taldi mig vita fullkomnlega hver ætti þetta barn en þá sagðist hann ætla að koma og fá sönnun fyrir því. Barnið var fjöggurra mánaða þegar hann kom til mín, laug því að foreldrum mínum að hann væri vinur minn til þess að koma og kíkja á litla drauminn. Það var alltaf opið inn í herbergi til okkar þangað til að foreldrar mínir fóru úr húsinu. Þá sagði hann mér að honum væri mikið létt að þetta væri ekki barnið hans og fór aftur að hrósa mér fyrir það hvað ég væri falleg og ég liti rosalega vel út eftir að hafa fætt barn. Barnið var þá sofandi í rúminu inn í herberginu hjá mér þangað til að hann skellti mér í “doggy style” stellinguna og sagðist hafa saknað þess sem við hefðum verið að gera og hann ætlaði að minna mig á það hvernig það væri að sofa hjá alvöru karlmanni. Já maðurinn nauðgaði mér í sama herbergi og barnið mitt lá sofandi og barnið vaknaði við það. Ég man ennþá eftir að sjá augun á barninu stara á mig þar sem hann var á mér og ég með tárin í augunum horfði á barnið og kom engu upp úr mér. Hann fór strax eftir þetta.
Ég heyrði síðast frá honum á síðasta ári. Þá fékk ég sms frá honum um það að hann sakni mín og vilji vera með mér og vilji mig. Það var í síðasta skiptið sem ég heyrði frá honum. Eftir það náði ég að loka á hann. Í dag á ég unnusta sem fékk í fyrst að vita þetta í gær þar sem að ég hélt að ég hefði séð hann og varð fyrir miklu áfalli. Ég lifi mjög góðu lífi og ég vona það að með þessu nái ég einhvernveginn að gleyma þessu öllu þó ég telji það ekki líklegt.—————–
takk fyrir mig, vonandi hjálpar þetta mér eitthvað að ná bata.
