Þessar myndir af Harry prins, William bróðir hans og Díönu prinsessu eru yndislegar. Myndirnar voru teknar árið 1986 og sýna þær lífið og leikinn í Kensingtonhöllinni, þar sem þeir bræður léku sér áhyggjulaust og áttu venjulegt fjölskyldulíf með foreldrum sínum.
Sjá einnig: Eru Harry prins og Ellie Goulding saman?
Ekki leið þó á löngu þar til bera fór á vandamálum í hjónabandi þeirra Charles og Díönu, sem síðan leiddi til skilnaðar árið 1996, en ári síðar lést Díana í skelfilegu bílslysi.
Harry prins fór fljótt að bera með sér þá persónueiginleika að vera lítill prakkari og hefur hann haldið þeim einkennum til dagsins í dag. Honum gengur eitthvað illa að feta í virðuleg spor fjölskyldunnar og að velja sér þannig eiginkonuefni sem myndi passa inn í íhaldssamt umhverfi. Hann sinnir konunglegum skyldum sínum, en þess á milli finnst honum bara fínt að fara á djammð og skemmta sér.
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
