Kaldhæðnislegar fjölskyldumyndir einstæðrar móður

Tveggja barna móðirin Susan Copich er búsett í New York og starfar sem leikkona. Hún segist hafa áttað sig á því þegar hún var komin á fimmtugsaldur að það vantaði alltaf eitthvað í fjölskyldumyndirnar í albúminu heima.

Hana sjálfa.

Hún tók því málin í eigin hendur og hóf að stilla myndvélinni upp þannig að hún kæmist með á mynd ásamt börnunum. Uppátækið varð fljótt af ástríðufullri ljósmyndun þar sem Susan gefur ekkert eftir en hún segist vilja tjá tilfinningar sínar og lýsa fjölskyldulífi sínu á raunhæfan máta og má þar skynja bæði erfiðleika og streð sem hún vill meina að sé tabú.

Úr varð listræn sería sem ber heitið „Domestic Bliss“ eða lauslega þýtt yfir á íslensku „Alsæla í heimilishaldinu.“

Má þar skynja ákveðna kaldhæðni á bakvið orðin þar sem ekki virðist sem alsælan sé daglegur gestur á heimili Susan ef marka má merkingu myndana en sjálf segist hún glíma við þunglyndi og streitu annað slagið.

Myndirnar eru birtar með upprunalegu heiti á ensku yfir myndirnar.