Maðurinn minn á það til að vera sexý í eldhúsinu og þá er hann gjarnan að baka brauð. Hann skellti í eitt svona Letingjabrauð í gærkveldi og það er bara ferlega gott.
Ekkert hollt en mjög gott!
Mér finnst karlmenn í eldhúsinu alltaf sexý, það er bara þannig strákar!
Uppskrift:
4 dl Haframjöl
3,5 dl Hveiti
2,5 dl Sykur
2 tesk Matarsódi
1/2 tesk Negull
1 tesk Kakó
3,5 dl mjólk
Aðferð:
Öllu hrært saman með sleif, mjólk sett síðust útí og hrært enn meira.
Setja í form baka við 175 gráður í 35 til 40 mín.
Geggjað heitt með smjöri!
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
