Hér er hrikalega góður pottréttur sem kemur úr bókinni Rögguréttir. Mjög djúsí í piparostasósu.
Uppskrift:
600-800 gr lambagúllas
1 peli rjómi
piparostur
1 stór laukur
1 paprika
100 gr sveppir
1 stk lambakraftsteningur
Aðferð:
Rjómi og piparostur eru brædd saman í potti við vægan hita svo ekki brenni og settur er einn lambakraftsteningur útí sósuna.
Lambið er léttsteikt, laukurin og paprika skorin niður í ræmur og sveppir sneiddir niður.
Allt saman sett á pönnu og steikt saman. Svo er öllu skellt í eldfast mót og sósuni hellt yfir.
þessu er svo skellt inní ofn á 180 gráður og látið bakast í 30 – 40 mín.
Sjá meira:Mexíkóskt salat
Hrikalega gott að bera fram með góðu salati.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
