Missy Elliott hefur loks snúið aftur! Með hvelli, ef svo má segja, en hér að neðan má heyra hennar alfyrsta verk frá árinu 2005, ef undanskilin er endurkoma hennar í hálfleik Ofurskálarinnar fyrir skemmstu.
Missy Elliott? Er hún snúin aftur?
Rapparinn Missy Elliott kom, sá og sigraði á sviði Ofurskálarinnar þar sem hún tróð upp með Katy Perry í hálfleik, en sú fyrrnefnda hefur vart sést á sviði frá árinu 2005, í framhaldi af útgáfu breiðskífu hennar sem bar nafnið The CookBook
Missy Elliott og Katy Perry gerðu allt vitlaust í hálfleik Ofurskálarinnar
Rauk upp vinsældarlista iTunes eftir Ofurskálina
Aðdáendur hafa þó engu gleymt, enda Missy Elliott þróttmikill flytjandi, slunginn rappari og útsetjari (pródúsent) á heimsmælikvarða. Flutningur þeirra Missy Elliott og Katy Perry rauk þannig upp vinsældarlista iTunes að lokinni frammistöðu þeirra í hálfleik Ofurskálarinnar.
Missy Elliott hvarf af sjónarsviðinu skömmu eftir útgáfu breiðskífunnar The CookBook
Endurhljóðblöndun Take Ü There lofar góðu
Nú lítur loks út fyrir að Missy Elliott hafi dýft tánnum í djúpu laugina en út kom fyrr í vikunni remix, eða endurhljóðblönduð útgáfa af smellinum Take Ü There, sem áður var gefið út af þeim rafgrúppunni Jack Ü og soulsöngkonunni Kiesza. Heyra má Missy Elliott rappa gegnum tvö erindi um miðbik endurútgáfunnar, en þó einungis sé um endurhljóðblöndun að ræða og ekki frumsamið lag, er stórkostlegt að sjá stúlkuna stíga inn í bransann að nýju.
Þá er bara að bíða þess að Missy Elliott kynni nýja breiðskífu til leiks, en hér má heyra hennar fyrsta verk frá árinu 2005:
Tengdar greinar:
Shady Classics: Eminem GEFUR 66 áður óútkomin tónverk gegnum vefinn
Bruno Mars og Red Hot Chili Peppers buðu upp á veislu á Superbowl – Myndband
Zoë Kravitz skammast yfir klámfenginni hegðun Lenny gagnvart Katy Perry
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
