Mér fannst það ægilegt sport í æsku minni að fá að búa til karamellur. Það tókst misvel en hvað gerði maður ekki fyrir smá sælgæti. Hér er uppskrift sem ég notaði gjarnan. Hún er sáraeinföld og svakalega góð.
1 dl púðursykur
1 dl rjómi
1 dl sýróp
Allt fer í pott og soðið. Hrærið vel því það er auðvelt að brenna hana við. Til þess að athuga hvort hún hafi soðið nóg er gott að láta dropa af karamellu detta í glas með vatni og ef hún verður hörð er hún tilbúin.
Ef þú vilt súkkulaðikaramellu bætirðu ca. matskeið af kakói útí blönduna.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
