Pizzastaðurinn Drews pizza í Illinois tók upp á því að bjóða konum sem sýndu starfsmönnum staðarins brjóst sín upp á fría pizzu. 

Þetta gekk glatt en margir gerðu þó athugasemd við sölumennskuna. Hugmyndin þótti dónaleg og móðgandi og jók auk þess ekki viðskiptin.

Þeir sem gagnrýndu þetta létu skammirnar ganga á netinu og varð pizzasalan að loka fésbókar- og Twittersíðum sínum.

Menntaskólakrakkar sækja þennan stað grimmt á kvöldin og einn af starfsmönnum þar sagði í sjónvarpsfréttaviðtali að allir hefðu gaman að þessu, ekki bara starfsfólkið heldur líka aðrir sem væru að fá sér pizzu. „ Allir á þessum stað eru mjög ánægðir“, sagði hann.

Ef til vill hefði pizzastaðurinn sloppið við reiði og hneykslun fólks ef ekki hefði birst auglýsing á Twitter sem kallaði eftir meiri brjóstum. Einhverjum var ekki skemmt, skiljanlega en þarna eru menntaskólakrakkar oft afar drukknir og því eflaust ekki erfitt að fá fólk til að gera eitthvað sem það gerði ekki með fullri rænu.

 

 

SHARE