Þetta er svo dásamlega gott! Kemur auðvitað frá snillingunum á Matarlyst á Facebook.
Hráefni
100 g Rice krispies
40 g haframjöl
115 g fljótandi hunang
270 g hnetusmjör
1 tsk vanilludropar
Hnífsoddur salt
Ofaná
150 g suðusúkkulaði
1 tsk olía bragðlaus
Aðferð
Setjið öll hráefnin saman í skál blandið vel saman með höndum, setjið bökunnarpappír í form þrýstið blöndunni ofaní fínt að hafa molana ca 2,5 cm þykka. Kælið.
Bræðið súkkulaðið yfir vatnsbaði, bætið olíunni út í hrærið vel saman. Hellið yfir barinn og dreifið úr, látið aftur inn í ísskáp.
Takið út látið standa á borði um stund skerið niður í hæfilega stóra bita, þeir geymast vel í kæli en gott er að taka þá út og láta standa um stund eru bestir við stofuhita.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
