Kjúklingaréttirnir verða varla sætari, þessi er æðislegur!
Uppskrift:
4 stórar sætar kartöflur
4 – 5 kjúklingabringur
Einn poki spínat
Pestó
Fetaostur
Sólþurrkaðir tómatar
Olífur
Rauðlaukur
Aðferð:
Kartöflur skrældar og skornar í teninga, dreift á botninn á smurðu eldföstu móti. Spínati er dreift yfir kartöflurnar og kjúlklingabringum raðað ofan á spínatið.
Bakað í ofni við 180 gráður í klukkustund. Þegar 15 mín eru eftir af eldunartíma er rétturinn tekin úr ofninum og kjúklingurinn smurður með pesói, sólþurrkaðir tómatar, feta ostur og ólífur dreift yfir allt svo inn í ofn aftur og bakað í 15 mín sem eftir eru af eldunartíma.
Sjá meira: Súper einfaldur kjúklingaréttur
Svakalega gott að hafa ferskt salat með þessu.
Uppskriftin kemur úr litlu matreiðslubókinni Rögguréttir.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
