Ein djarfasta og skemmtilegasta uppástunga síðari tíma er snýr að hönnun stuttermabola hefur litið dagsins ljós! Ekki að undra að orðunum sé beint að erlendum ferðamönnum, en samkvæmt dásamlega dónalegu fjáröflunarverkefni sem bera má augum (og festa kaup á) gegnum fjáröflunarsíðuna Teespring.com vita einungis 327.053 manneskjur á allri jarðarkringlunni hvað orðið TYPPI merkir.
Og nú getur þú sprangað um víða velli með áletraða staðhæfinguna, ef verkefnið verður að veruleika.
Samkvæmt vefsíðunni sjálfri er Teespring fjáröflunarleið til að ákvarða hvort hönnun stuttermabols muni borga sig upp, en vefsíðan lofar því að enginn kostnaður verði af verkinu, finnist ekki nægilega margir áhugasamir kaupendur. Hægt er að hanna og selja sérhannaða stuttermaboli gegnum síðuna, en síðan góða lofar því að kaupandinn sjálfur fjármagni framleiðsluna og að varan verði afhent upp að dyrum. Þetta, segja ábyrgðarmenn Teespring, kemur í veg fyrir stórt upplag af prentuðum bolum, leiðigjarnar söluferðir og árangurslausa markaðssetningu á götum úti.
Enn sem komið er, er hinn dónalegi stuttermabolur enn á tilraunastigi og ekki hefur verið skorið úr um hvort af framleiðslunni verður en spurningin sem eftir stendur er þessi; myndir þú klæðast þessum bol á götum úti?
Viltu vita meira? Smelltu HÉR
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
