Þessi dásamlega uppskrift er hátíðleg og kemur frá Eldhússystrum.
Smákökur með ristuðum pekanhnetum og sjávarsalti
Gerir ca. 25 stórar og þykkar kökur
200 gr pekanhnetur, hakkaðar
230 gr smjör
100 gr sykur
200 gr púðursykur (dökkur eða ljós)
2 stór egg
2 tsk vanilludropar
310 gr hveiti
1 tsk matarsódi
½ salt
Sjávarsalt (ofan á kökurnar)
Ristið hneturnar í 150°c heitum ofni, hakkaðar, í ca 15 mínútur. Snúið hnetunum 2 – 3 á meðan.
Hrærið smjör og sykur ásamt púðursykri þar til létt og ljóst. Bætið eggjunum í einu í einu og hrærið vel á milli. Bætið vanilludropunum við og hrærið. Í annarri skál blandið saman hveiti, matarsóda og salti. Bætið þessu út í sykurhræruna og hrærið þar til blandað. Bætið pekanhnetunum út í og hrærið í ca. 10 sekúndur. Kælið deigið ca. 2 klst.
Stillið ofninn á 175°c. Notið ca. 1 msk af deigi og rúllið í kúlu. Setjið á ofnskúffu. Þegar þær eru búnar að bakast er mjög gott að strá örlitlu sjávarsalti ofan á kökurnar.
Bakið kökurnar í 11 – 12 mínútur (1 – 2 mín lengur ef þið viljið hafa þær stökkar).
Uppskrift fengin héðan
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
