Það er ekki þar með sagt að búa þurfi í höll til að búa í fallegri hönnun. Hérna er tveggja herbergja lítil íbúð í Arizona í Bandaríkjunum. Merlin Bergeron Design sá um hönnunina sem er í takt við þann stíl sem er vinsæll um þessar mundir.
Gráir tónar og hvít og dröppuð húsgögn og fylgihlutir. Viðurinn á eyjunni færir yl í opið rýmið og takið eftir því hvað stóri spegillinn kemur sterkur inn og stækkar rýmið. Þá er skemmtileg lausn að setja létt efni til að aðskilja opna rýmið frá andyri.
Árni býr í Reykjavík en ólst upp í Garðinum. Hann lauk stúdentsprófi frá Fjölbrautaskóla Suðurnesja og nam stjórnmálafræði við Háskóla Íslands. Að því gefnu hefur hann mikinn áhuga á stjórnmálum, ásamt því að vera mikill áhugamaður um hönnun, arkitektúr og ljósmyndun. Árni hefur gaman að tónlist og leiklist, kvikmyndum og matargerð annarra. Hann viðurkennir fúslega að vera ömurlegur í eldhúsinu og leggur ekki á nokkurn mann að koma í mat til sín. Nýja dellan er að vaða um íslenska náttúru með myndavélina og reyna að ná góðum myndum með misjöfnum árangri. Árni er mikil félagsvera og nýtur sín best í góðra vina hópi og með fjölskyldunni. Hann er dýravinur, en gengur illa að eiga gæludýr. Þau annað hvort drepast eða flýja af heiman. Árni gleymir sér á netinu við að skoða fallega hönnun, heimili og fasteignasíðurnar eru í miklu uppáhaldi. Árni deilir með okkur því sem hann fellur fyrir hverju sinni og reynir að koma víða við í stílum og hönnun til að ná til sem flestra. Árni heldur úti Facebooksíðu þar sem hann deilir hugðarefnum sínum, enda kallar hann síðuna Hugarheim Árna.
